आगामी माघ २६ देखि धरानमा ‘बिजनेस एक्स्पो’ हुने

धरानमा बिजनेस एक्स्पो हुने भएको छ । धरानको आर्थिक गतिविधिलाई प्रोत्सोहन गर्ने उदेश्यले २ साता लामो ‘बिजनेस एक्स्पो धरान २०८१’ आयोजना हुन लागे हो ।
नेपाल उद्योग व्यवसायी महासंघ धरान उपमहानगर समितिले धरान उपमहानगरपालिका १६ रङ्गशाला परिसरमा यही आउदो माघ २६ देखी फागुन १० गते सम्म सञ्चालन गर्न लागेको पत्रकार सम्मेलनको आयोजना गरी आयोजकले जानकारी दिएको हो ।
एक्सपोले धरानको आर्थिक गतिविधिमा आएको सुस्ततालाई नयाँ गति दिदैं व्यवसायीक, पर्यटन, उद्योगको क्षेत्रमा लगानीको उपयुक्त वातावरण सिर्जना गर्न भूमिका खेल्ने महासंघका अध्यक्ष शिवराज श्रेष्ठले बताए ।
एक्स्पो मेलाले, स्थानीय उत्पादन साथै साना घरेलु, मझौला तथा ठुला उद्योग व्यवसायमा लगानीको सम्भावना बढाउन सहयोग पुग्नका साथै एक्स्पोमा सहभागी हुने राष्ट्रिय, अन्तर्राष्ट्रिय औद्योगिक उत्पादक व्यवासायीहरुसंग अनुभव आदान प्रदान गरी धरानमा लगानी आकर्षित गर्न सकिनुका साथै लगानी सम्भावना स्थलको खोजीमा रहेकाहरू पहिचान गर्ने अवसरको रूपमा पनि एक्स्पोले सहयोग गर्ने उनले बताए ।
बिजनेस एक्स्पोमा औद्योगिक प्रदर्शनी तथा खरिद विक्री, कृषी उत्पादनहरूको प्रदर्शनी एवं खरिद बिक्री, गार्मेन्टका तयारी पोसाक, जुत्ता चप्पल, खेलौना, ज्वेलरीका उत्पादनहरूको विक्री तथा व्यवसायीक कारोबार हुने अध्यक्ष श्रेष्ठको भनाई छ ।
एक्स्पोमा निर्माण कार्य सम्बन्धी र कृषि औजारका सामाग्री, प्रविधि, उपकरण, इलेकट्रोनिक्सका सामाग्रीहरूको प्रदर्शनी तथा बिक्री गरिने छ ।
उद्योग, व्यवसायको प्रबद्र्धनका लागि आर्थिक विश्लेषण कार्यशाला गोष्ठी, निकासी योग्य स्थानीय उत्पादन, वस्तुको प्रवद्र्धन विषयक उद्योगी, व्यवसायीहरूका लागि गोष्ठी आयोजना गरिनुका साथै एक्स्पोमा नयाँ प्रविधिका अटो मोबाइल प्रदर्शनी र एक्स्पोमा आउने सर्वसाधारण उपभोक्ताहरूको मनोरञ्जनका लागि दैनिक राष्ट्रिय कलाकारहरूका साङ्गीतिक तथा सांस्कृतिक कार्यक्रम आयोजना गरिने आयोजकले जनाएको छ ।
एक्स्पोमा प्याराग्लाइडिङ, ¥याफ्टिङ, साइक्लिङका साहसिक तथा रोमाञ्चक खेलहरू खेलाइनुका साथै फ्लोर कल्चर तथा फुलहरूको प्रदर्शनी, बिरुवा विक्री, स्थानीय उत्पादनको प्रदर्शनी तथा विक्री र जातीय मौलिक परिकारहरूका खानपिनको स्टलहरू रहने छन् ।
एक्स्पोमा जम्मा ३ सय ५० स्टलहरु रहने छन् भने दुई साता सञ्चालन हुने छन भने एक्स्पोमा १० लाखको संख्यामा किनमेल गर्न दर्शकहरू आउने अनुमान गरिएको एक्स्पोका मूल संयोजक राजेश अग्रवलले बताए ।